Radio Evropa e Lirë raportoi duke cituar burime brenda Prokurorisë Speciale të Kosovës se hetimet për sulmin paraushtarak në Banjskë të Zveçanit kanë përfunduar dhe se përpunimi i aktakuzës për sulmuesit terrorist “është në fazën finale”.
REL-i tha se nuk ka mundur të marrë hollësi më të mëdha, përveç se aktakuza nuk do të ngrihet para stinës së vjeshtës.
“Punët rreth rastit janë në fazën finale” dhe se “hetimet në rastin e Radoiçiqit kanë marrë epilogun përfundimtar”, raportoi REL-i.
“Pas përfundimit dhe ekzaminimit të disa raporteve periferike, do të procedohet tutje”, thonë ato.
