Zëvendësministri i Drejtësisë, Blerim Sallahu, ka thënë se është krijuar taskforcë në bashkëpunim edhe me Ministrinë e Punëve të Brendshme dhe se po punohet për kapjen e personave, që sipas numrit dy të MD-së, nuk janë arratisur por janë larguar.
“Është krijuar taskëforca për këtë çështje dhe po punohet lidhur me kapjen e personave të larguar, jo të arratisur por të larguar”, ka thënë Sallahu në konferencën për media.
Derisa drejtoi i SHKK-së ka kërkuar mirëkuptim nga gazetarët rreth ndarjes së detajeve për punën që po bëhet në kapjen e personave të arratisur.
