Bahri Ahmeti, vëllai i madh i Leotrim Ahmetit, vogëlushit që u vra nga forcat serbe gjatë luftës së fundit në Kosovës, në një rrëfim për Radio Evropa e Lirë, ka dhënë detaje nga momentet e asaj ditë të rëndë.
Bahriu tregoi se Leotrimin nuk mundi ta gjej të gjallë kur ai kishte mbërritur.
“E kam marrë vesh në mbrëmje. Fatkeqësisht s’kam mundur ta gjej të gjallë. Kur kam mbërritur unë, ai veçse kishte vdekur”, thotë Bahriu.
Ai më tej ka treguar se si Leotrimi ishte një person i dashur për sëcilin.
“Leotrimi ka qenë një djalë shumë i urtë, një fëmijë shumë i dashur për secilin. Kush e ka takuar Leotrimin, edhe nëse nuk e ka njohur, e ka dashur. Sepse ashtu ka qenë i krijuar… Zoti e kishte bërë për vete të tillë”, shton ai.
