Mesfushori kosovar, Valon Berisha ka përkrahur sulmuesin norvegjez Erling Haaland pas performancës së tij fantastike ndaj Kosovës.
Berisha ka shpërndarë një fotografi në rrjetin e tij social, duke e uruar Haaland për paraqitjen e tij fenomenale.
“Heroi i hat-trickut, po, ti shok. Kujdesu për veten vlla. Deri herën tjetër” ka shkruar Berisha bashkangjitur me një foto ku shihen të dy të buzëqeshur.
Haaland shkëlqeu ndaj Kosovës duke shënuar tre gola për të siguruar fitoren e radhës për Norvegjinë.
Pas ndeshjes pjesëtarët e Përfaqësueses së Kosovës nuk pranuar të deklarohen për media, por duket se Berisha ka zgjedhur të përgëzoj kundërshtarin e tij.
Berisha e ka përmendur në shumë intervista se ka miqësi me Haaland që nga koha e tij kur ka luajtur në Norvegji.
