Hyrja në koncertin e Shkurte Fejzës, falas

Për nder të 50 vjetorit të karrierës së këngëtares Shkurte Fejza dhe të manifestimeve të Ditës së Çlirimit të Kosovës, Qeveria e Kosovës po organizon koncert të madh me orkestër dhe me vepra të performuara nga Shkurte Fejza më 8 qershor.

Koncerti do të mbahet nga ora 20:00 në Sallën e Madhe të Pallatit të Rinisë dhe Sportit.

Ndërkaq ministria e Kulturës, Rinisë dhe Sportit ka njoftuar se hyrja është falas, por që ftohen të interesuarit që të vijnë në ora 19:00 për të zënë vendet.