Në konferencën e mbajtur sot në Aeroportin e Prishtinës, Dua Lipa ndër të tjerash ka thënë se në koncert do të këndojë këngë të reja të pa dëgjuara deri më tani të cilat do të jenë pjesë e albumit të saj të ri.
Koncerti i shumë pritur do të mbahet vetëm dy ditë pas aterimit të yllit botëror në Prishtinë, shkruan lajmi.net.
Konferti i Dua-s do të mbahet në Prishtinë, saktësisht në parkun Gërmia, ndërsa të interesuarit për ta dëgjuar teksa performon kanë qenë të shumtë, madje edhe shqiptarët nga trevat jashtë Kosovës.
Lajmi.net mëson se janë shitur 50 % e biletave, ndërkaq, pas koncertit në Prishtinë, ajo do të mbajë një koncert edhe në Tiranë./PrishtinaPress.eu
