Ambasadori francez në Kosovë në emisionin Info Magazine në Klan Kosova, ka thënë se nëse Kosova do që ta fitoj votimin për në Këshill të Evropës, duhet të bëj hap konkret, e të pakthyeshëm për Asociacionin e Komunave me shumicë Serbe.
“Presidenti tregoi mbështetjen e palëkundur të Francës ndaj Kosovës që nga ditët e para, që nga viti ‘99 e më tutje, dhe pastaj një mbështetje të palëkundur për integrimin evropian dhe institucionet evropiane të Kosovës, ku Këshilli i Evropës është një prej tyre”, tha si fillim ambasadori francez në Info Magazine të Klan Kosovës.
“Kosova mund të bëjë disa gjëra për të rritur gjasat që ta fitojë këtë votim, dhe ajo që duhet të bëhet dhe për qëndrimin tonë duhet ta bëjë, është që të bëjë hapa konkret drejt themelimit apo krijimit të asociacionit të komunave me shumicë serbe”.
E hapi konkret sipas tij, do të ishte dërgimi për në Kushtetuese i draft-statutit.
“Hap konkret nuk do të thotë krijim i plotë, është një hap, diçka reale, diçka konkrete dhe për mua çka do të thosha, diçka të pakthyeshme, diçka që nuk mund të tërhiqet pasi të jetë kryer kjo punë, ajo që të cilën e kanë të gjithë parasysh, besoj unë, duke iu referuar draft-statutit të asociacionit që BE-ja ka hartuar për ta dërguar atë në gjykatën kushtetuese në përputhje me procedurat e duhura
