Të enjten, më 4 prill Kuvendi i Kosovës do të mbajë seancë solemne.
Në rend të ditës do të jetë shënimi i 25 -Vjetorit të Betejës së Koshares.
Seanca mbahet me fillim nga ora 10:00.
Pas kësaj seance solemne, Kuvendi do të vazhdojë edhe me seancën tjetër, ku në rend të ditës do të jenë disa pika.
- Themelimit të Komisionit Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024.
- Votimi i Projektligjit nr.08/L-234 për ratifikimin e Marrëveshjes së kredisë për programin e financave publike dhe rritjes ekonomike ndërmjet Republikës së Kosovës dhe Fondit OPEC për Zhvillim Ndërkombëtar.
- Votimi i Programit Kombëtar të Shkencës, zgjedhja e anëtarëve të Bordit të Komisionit të Pavarur për Miniera dhe Minerale
- Zgjedhja e një (1) anëtari të Këshillit Prokurorial të Kosovës, përfaqësues nga Oda e Avokatëve të Kosovës dhe Shqyrtimi i Projekt-rezolutës për adresimin e çështjes së emigrimit të qytetarëve nga Republika e Kosovës, etj.
