Trajneri i Manchester Cityt, Pep Guardiola, beson se shtytja e Arsenalit për titullin e Premierligës është shumë më e lehtë se sa përpjekjet e skuadrës së tij për të fituar katër fitore radhazi.
Topçinjtë shkojnë në stadiumin Etihad të dielën pasdite duke kërkuar të hapin një diferencë prej katër pikësh ndaj kampionëve në fuqi.
Arsenali është në kërkim të titullit të tij të parë që nga viti 2004, ndërsa City po kërkon të bëhet skuadra e parë në historinë angleze që fiton ligën katër vjet radhazi.
Në konferencën e tij për shtyp para ndeshjes, Guardiola tha se detyra e Arsenalit është ‘e lehtë’ në krahasim me Cityn.
“Njerëzit nuk mund ta imagjinojnë se sa e vështirë është – nuk mund ta kuptojnë këtë për një sekondë”, tha Guardiola për sfidën e Cityt, raporton 90min.com, transmeton Klankosova.tv.
“Të luftosh për një titull që nuk e ke fituar për shumë vite është ‘wow, është e lehtë’. Por tani të jesh për shumë e shumë vite ende atje [të konkurrosh] është ‘wow’. Standardi për gjeneratat e reja në ky klub, për atë që kemi bërë është me të vërtetë, shumë i mirë”.
