Kryetari i Leposaviqit, Lulzim Hetemi, ka pritur në takim përfaqësuesit e ministrisë së Mjedisit, Planifikimit Hapësinor dhe Infrastrukturës, përkatësisht Autoritetit Rajonal të Pellgjeve Lumore.
Në këtë takim u fol për investimet e ministrisë në këtë komunë, përkatësisht në lumin Ibër të Leposaviqit.
“Ne shprehim nevojat që ka komuna në fushën e ujërave si: rregullimi i shtratit të lumit Ibër, pastrimi dhe mirëmbajtja dhe projekte të ngjashme.
“Bashkërisht me udhëheqësin e ARPL-së dhe bashkëpunëtorët vizituam një segment të lumit afër urës, me ç’rast na siguruan që në këtë segment do të fillohet shumë shpejtë pastrimi dhe rehabilitimi i rrjedhës lumore”, thuhet në njoftim.
Tutje, bëhet e ditur se në takim u dakordua që të merren parasysh iniciativat e tjera nga fusha e ujërave të iniuara nga komuna e Leposaviqit në adresë të ministrisë.
