Muhamet Hamiti, anëtar i kryesisë së Lidhjes Demokratike e Kosovës (LDK), ka reaguar për komunikatat që Lëvizja Vetëvendosje i ka lëshuar gjatë kohës sa ishte në opozitë, e sidomos para se të jetë subjekt politik.
Hamiti tha se VV-ja e ka quajtur Ibrahim Rugovën si “kolaboracionist”, e Hashim Thaçin si “tradhtar”.
Ndërkaq, Hamiti thotë se “VV-ja besonte se NATO nuk ka intervenuar për çlirimin e Kosovës”.
“Kur Vetëvendosje e quante Ibrahim Rugovën ‘kolaboracionist’, Hashim Thaçin ‘tradhtar të kombit’, në janar të vitit 2006. “Intervenimi i NATO-s nuk është bërë për ta çliruar Kosovën”, në një kumtesë të vitit 2010”.
“Denigruesit e paskrupullt të Ibrahim Rugovës, Hashim Thaçit dhe NATO-s, Albin Kurti dhe Vetëvendosja e tij, janë në pushtet sot në Kosovë! Bashkë me satelitët e vet guximtarë”, ka shkruar Hamiti në Facebook, të dielën.
