Personat që vuajnë dënimet për vepra të ndryshme penale në Qendra Korrektuese në Kosovë, ka raste kur gjejnë mundësinë dhe arrijnë që të arratisen nga hapësirat e burgut. Kështu kishte vepruar edhe një i burgosur që po vuante dënimin në Qendrën Korrektuese në Lipjan.
20-vjeçari i burgosur për dhunë në familje, mbrëmjen e 23 nëntorit ishte arratisur nga burgu dhe nuk dihej vendndodhja e tij.
Por pas veprimeve hetimore, gjatë ditës së djeshme është arritur që i riu të arrestohet dhe i i njëjti është intervistuar e më pas është dërguar në vuajtje të dënimit në Lipjan.
Këtë e ka konfirmuar edhe Policia.
“Lidhur me rastin, me 08.03.2024 është arrestuar i arratisuri në datën e cekur. Në konsultim me prokurorin, i njëjti pas intervistimit është dërguar në vuajtje të dënimit“, thuhet në njoftim.
