Një person është goditur sot nga vetura në rrugën “Adem Jashari” në Prizren.
Sipas burimeve bëhet fjalë për bashkëshortin e Shkurte Fejzës.
Rastin për klankosova.tv, e ka konfirmuar edhe zëdhënës i policisë për Rajonin e Prizrenit, Vesel Gashi. Ai ka bërë të ditur se viktima ka pësuar lëndime të rënda por është jashtë rrezikut për jetë.
“Sot me datë 23.02.2024 rreth orës 10:50 është raportuar për një aksident trafiku. Aksidenti ka ndodhur në rrugën Adem Jashari. Deri te aksidenti ka ardhur kur kembësori ka qenë duke e kaluar rrugën dhe është goditur nga një automjet. Viktima ka pësuar lëndime të rënda por jashtë rrezikut për jetë. Policia ka intervistuar palët e përfshira dhe është njoftuar prokurori kujdestar, me urdhër të prokurorit rasti shkon në procedurë të rregullt”, tha Gashi
