Në përmbledhjen e tij javore, ndërmjetësi evropian për dialogun Kosovë-Serbi, Miroslav Lajçak, ka reflektuar mbi zhvillimet e fundit, në veçanti rreth Rregullores së re të Bankës Qendore të Kosovës, me ç’rast është ndaluar formalisht qarkullim i dinarit serb në Kosovë.
Lajçak ka shkruar në profilin e tij në Facebook se “po i vëzhgon nga afër” zhvillimet rreth këtij vendimi, ngase, siç shkruan ai, është një çështje “që ndikon në veçanti mbi komunitetin serb të Kosovës”.
“Duke reflektuar mbi udhëtimin, bisedat e thella me liderët dhe kryenegociatorët nga të dyja palët ishin në kohë dhe të rëndësishme, duke na lejuar të shprehim pritshmëritë tona për muajt e ardhshëm dhe të diskutojmë se për çfarë do të punojmë. Kjo javë fillon me një shënim të ngarkuar për mua pasi unë dhe ekipi im po ndjekim vizitën time, duke u fokusuar nga afër në dinamikën aktuale të procesit të Normalizimit”, ka shkruar Miroslav Lajçak.
“Në këtë kontekst, unë po ndjek gjithashtu nga afër zhvillimet në lidhje me Rregulloren e fundit të Bankës Qendrore të Kosovës për operacionet me para të gatshme, veçanërisht duke ndikuar tek komunitetet serbe që jetojnë në Kosovë”, ka vazhduar ai.
