Trajneri i Barcelonës, Xavi Hernandez, pretendon se Real Madridi po i kushtëzon gjyqtarët në Spanjë nëpërmjet kanalit të tyre televiziv, teksa insiston se Mbretërit favorizohen ndeshje pas ndeshje.
Më parë, trajneri i Barçës, Xavi pretendoi se gjyqtarët e La Ligës po favorizojnë Madridin, duke e bërë shumë të vështirë sfidimin e Los Blancos në garën për titull. Tani, ish-ylli i Blaugranas e ka dyfishuar këtë qëndrim dhe ndërsa skandali i klubit të tij ‘Negreira’ nuk e ka ndihmuar kauzën e tyre, ai pretendoi se Madridi ushtron presion mbi zyrtarët e ndeshjes përmes kanalit të saj televiziv.
.jpg?auto=webp&format=pjpg&width=3840&quality=60)
Ai tha në një konferencë për shtyp: “Unë tashmë thashë se nuk më pëlqen që ata [Madridi] i kushtëzojnë gjyqtarët, por ata vazhdojnë ta bëjnë këtë çdo javë. Gjyqtarët vërshëllejnë të kushtëzuar. ‘Rasti Negreira’ nuk na ka ndihmzuar neve asnjëherë, por kjo është ajo me të cilën duhet të ballafaqohemi. Jam njëqind për qind dakord me fjalët e presidentit. Është një realitet dhe ne nuk mund t’i mashtrojmë tifozët e Barcelonës”.
Xavi shtoi: “Edhe një i verbër mund të shohë se çfarë po ndodh. [trajneri i Atletico Madrid, Diego) Simeone e tha atë një ditë më parë, se ne nuk jemi budallenj. Të gjithë po e shohin atë, por janë mediat ato që duhet ta thonë.”
Barcelona dhe Xavi janë nën presion. Ata qëndrojnë 10 pikë prapa liderit të ligës Real Madrid dhe trajneri, i cili po largohet këtë verë, po tenton ta shpëtojë një sezon që mund të rezultojë të jetë pa asnjë trofe.
Barcelona kthehet në La Liga të shtunën në mbrëmje, kur udhëton për në Alaves, e ndjekur nga një përplasje në shtëpi kundër Granadës më 11 shkurt dhe pas katër ditësh me Celta Vigo.
