Aksident në Fushë Kosovë, kamioni godet një këmbësor në zebra – PAMJE

Një aksident trafiku ka ndodhur para pak minutash në rrugën ‘Hajrullah Zymi’ në Fushë Kosovë, ku një kamion dyshohet se ka goditur një këmbësor.

Mediat lokale kanë publikuar edhe pamje nga vendi i ngjarjes, ku shihet se viktima ka mbetur e shtrirë në rrugë, teksa nuk dihet gjendja shëndetësore në të cilën ndodhet.

Sinjali ka kontaktuar edhe Policinë e Kosovës për të marrë më shumë informacione, por të njëjtit ende s’kanë kthyer përgjigje.