Deputetja e AAK-së Albana Bytyqi ka ironizuar me pagën e lartë prej 7 mijë e 500 euro të Gani Jakupit.
Bytyqi ka shkruar se është zgjuar më një brengë shumë të madhe. A po mundet Gani Jakupi ta përmbyllë këtë muaj? Ajo tutje ka vazhduar me ironi duke thënë se Kryeminisri duhet të mendoj për t’ia përmirësuar mirëqenien z.Jakupit.
E plotë
Mirëmëngjesi miq
Sot kam nis ditën me një brengë shumë të madhe. Athu a po mund ta përmbyll muajin i nderuari z. Gani Jakupi me pagën e tij ‘’modeste’’ prej 7500 euro në muaj?
A ka mujtë me i ble gjërat elementare ushqimore? Si do ta përmbyll këtë muaj me këtë pagë simbolike që në vit është një shifër jo më pak se 90 mijë euro? Sigurisht është në hall të madh nga jeta e vështirë që po e bën.
Po besoj që kryeministri ynë është duke e menduar një zgjidhje si t’ia përmirësojë mirëqenien z. Jakupi, sepse sinqerisht ka nevojë për dorën e shtetit.
