Deputeti i Lëvizjes Vetëvendosje, Mefail Bajqinovci, pretendon se kryeministri Albin Kurti nuk fle para orës dy në mesnatë.
Në një intervistë për emisionin ‘Gallatë’ në Kanal10, Bajqinovci ka lënë të nënkuptohet se ia di orarin e gjumit kryeministrit dhe shefit të tij në parti.
“Ai ende nuk ka shku në shpi, deri në 2”, i tha moderatori i emisionit, deputetit të LVV-së.
Ndërsa Bajqinovci ia konfirmoi këtë pohim moderatorit.
“Nëse nuk gaboj, tash ka shku në Zvicër, në Davos. Po e them një detaj që unë e di se diku rreth orës 2 të natës Albin Kurti shkon në shtëpi, këtë e kam parë vet personalisht”, ka thënë Bajqinovci.
