Komisioni Qendror i Zgjedhjeve ka marrë vendim sot që ta pezullojë Partinë Socialdemokrate.
Kjo, për shkak që afati i fundit për mbajtjen e kuvendit/konventës zgjedhore për këtë parti ka qenë më 15 dhjetor 2023.
Por, pavarësisht këtij vendim sipas KQZ-së kjo parti obligohet që në afatin prej 45 ditësh ta mbajë konventën.
E, për këtë vendim të KQZ-së ka reaguar kryetari i PSD-së, Dardan Molliqaj.
Ai, përmes një postimi në profilin e tij në rrjetin social Facebook, ka shkruar se PSD tashmë e ka thirrë Kuvendin e saj konform të gjitha procedurave më 28 janar.
Sipas tij, procedimi për pezullim nuk mund të shihet ndryshe pos si dashakeqësi ndaj PSD-së.
Postimi i tij i plotë:
PSD tashmë e ka thirrë Kuvendin e saj, konform të gjitha procedurave, me datën 28 janar dhe për këtë gjë e kemi njoftuar KQZ-në.
Prandaj, procedimin me pezullim nuk mund ta shohim ndryshe pos si dashakeqësi ndaj PSD-së.
Një qasje e tillë formaliste e shantazhuese është e dëmshme për organizimin politik dhe s’duhet të pranohet në asnjë mënyrë./Front Online
