Policia e Kosovës ka arrestuar 6 persona në Gjilan pasi kishin sulmuar fizikisht një roje pylli.
Të dyshuarit kishin përdorur edhe armë gjuetie në drejtim të viktimës, ku si pasojë është plagosur në këmbë.
Njëri prej të arrestuarve ka qenë i mitur dhe është liruar më procedurë të rregullt ndërsa të tjerët janë dërguar në mbajtje,
Rasti është cilësuar si ‘Vrasje në tentativë’.
“Janë arrestuar gjashtë (6) të dyshuar meshkuj kosovar (njëri nga ta i mitur) pasi të njëjtit fillimisht kishin sulmuar fizikisht viktimën mashkull kosovar (roje pylli) e më pas njëri nga të dyshuarit kishte shtënë me armë gjuetie në drejtim të viktimës. Si pasojë viktima është plagosur në këmbë. Në vendin e ngjarjes, gjatë kontrollit të veturës së personave të dyshuar është gjetur dhe konfiskuar një armë gjuetie. Viktima është dërguar në tretman mjekësorë dhe i njëjti sipas raportit mjekësorë është jashtë rrezikut për jetë. Me vendim të prokurorit pesë të dyshuar janë dërguar në mbajtje, ndërsa i dyshuari i mitur është liruar në procedurë të rregullt”, thuhet në raportin e PK-së.
