Dy ditë më parë, kryeministri Albin Kurti dhe presidentja Vjosa Osmani kanë pritur në takim presidentin e Bullgarisë, Rumen Radev.
Një konferencë për media, ata thanë se diskutuan për marrëdhëniet e mira mes shteteve dhe çështje të tjera.
Por, këtë takim nuk e priti mirë Partia Demokratike e Boshnjakëve-Koalicioni Vakat.
Koalicioni Vakat ka kërkuar nga Qeveria e Kosovës ta mbrojnë komunitetin boshnjakë dhe të mos heshtin në manipulimet e Bullgarisë për ta zvogëluar komunitetin boshnjakë.
“Kreret e shtetit dhe komunat jonë aktuale në Republikës së Kosovës dhe opinioni vendor dhe ndërkombëtar, nuk duhet të heshtin për sulmin e rëndë ndaj komunitetit kombëtar boshnjak në Kosovë si justifikim për heshtje për shkak të interesave të shtetit të Kosovës, lidhur me marrëdhëniet e mira me Republikën e Bullgarisë, anëtare i BE-së dhe NATO-s”,thuhet në reagim.
Sipas PDB’së, qeveria e Bullgarisë tash e 10 vite po tenton të formojë një bashkësi bullgare në Kosovë.
Tutje, ata pretendojnë se qeveria bullgare po abuzonë me studentët në Bullgari.
“Shteti i Bullgarisë kryen manipulime të rënda duke përdorur ata studentë nga vendi ynë në Sofje dhe qytete bullgar të tjera, të cilët i paraqet si gjoja pjesëtarë të diasporës bullgare në Republikën e Kosovës“, thuhet në reagim.
Po ashtu, koalicioni Vakat tha se vozita e presidentit Radev u bë në shenjë të manipulimeve.
“Dhe kjo vizitë dyditore e presidentit bullgar Rumen Radeev tek zyrtarët kosovarë dhe tek i ashtuquajturi komunitet bullgar në Prizren, sot u bë në shenjë të atyre manipulimeve. Edhe me “dekorin” dhe priftin e Kishës Ortodokse Bullgare u hap një farë zyre në Prizren“.
Autoritetet shtetëror e Republikës së Kosovës nuk duhet ta lejojnë këtë sulm të papranueshëm ndaj boshnjakëve të Kosovës dhe të kërkojnë arsyetim për heshtjen e tyre, apo miratimin e heshtur të këtyre provokimeve”.
“Boshnjakët e Kosovës janë pjesëmarrës aktivë në jetën politike dhe publike të Kosovës!”.
