“Presidenti i Serbisë, Aleksandar Vuçiq, ka krijuar një sistem të padrejtë zgjedhor që e favorizon atë”, tha Daniel Serwer, profesor në Universitetin Amerikan Johns Hopkins.
Sipas rezultateve paraprake, Partia Progresive Serbe, e udhëhequr deri vonë nga Vuçiq, shpalli fitoren në zgjedhje. Në parlamentin republikan, siç tregohet nga rezultatet e para të zgjedhjeve, ai do të ketë mbi gjysmën e shumicës
Në të njëjtën kohë, lista e dytë e opozitës “Serbia kundër dhunës” kërkoi anulimin e zgjedhjeve në kryeqytetin Beograd natën e zgjedhjeve, duke pretenduar “ndërprerjen e vullnetit elektoral”.
Duke komentuar fitoren bindëse të Vuçiqit, Serwer thekson se fushata u zhvillua në kushtet e “kontrollit të fortë mediatik nga autoritetet dhe shfrytëzimit të burimeve shtetërore”.
Serwer foli edhe për raportet e presidentit serb me situatën në Kosovë dhe dorëzimin e Milan Radoiçiqit para organeve të drejtësisë kosovare.
Serwer thotë se Uashingtoni do të duhej të ishte shumë më i ashpër me Vuçiqin
“Ata duhet të jenë shumë më të ashpër ndaj Serbisë dhe kur është fjala për ngjarjet e 24 shtatorit. Ata duhet t’i thonë Vuçiqit se, nëse dëshiron që (ish-nënkryetari i Listës Serbe) Milan Radoiçiq të jetë përgjegjës për ato ngjarje, atëherë duhet ta dorëzojë në Kosovë për gjykim”.
Profesori mendon se profesori amerikan mendon se askush në Serbi nuk duhet të mashtrohet.
“Vuçiq ka arritur të pushtojë edhe hapësirën pro-ruse edhe atë pro-evropiane, edhe pse është shumë më afër drejtimit pro-rus sesa atij pro-evropian”, vlerëson Server për Radion Evropa e Lirë.
Serwer ka komentuar edhe kërkesën për ekstradim si sfidën e parë për Qeverinë e ardhshme të Serbisë, më konkretisht atë të Milan Radoiçiqit pasi ka pranuar se qëndron prapa sulmit terrorisit në Bajskë më 24 shtator të këtij viti.
“Për mua është një gjë e thjeshtë. Krimi ka ndodhur në territorin e Kosovës. Në Kosovë ka autoritete të njohura nga Serbia në Marrëveshjen e Brukselit të vitit 2013, e cila kërkonte edhe formimin e Komunitetit të Komunave me shumicë serbe. Pra, nëse doni Komunitetin, duhet të përmbushni detyrimet tuaja sipas marrëveshjes së 2013-ës. Dhe kjo do të thotë se Radoiçiq gjykohet nga autoritetet kompetente në Kosovë. Marrëveshja është absolutisht e qartë, se sistemi gjyqësor i autoriteteve në Prishtinë vlen në tërë territorin e Kosovës”, ka thënë ai për REL.
Serwer thotë se Vuçiq nuk është i gatshëm të ecë përpara me Kosovën.
“Nuk shoh asnjë shenjë se Vuçiq është gati për një përparim serioz në marrëdhëniet me Kosovën. Përkundrazi, ai shkoi në drejtim të kundërt. Ai përsëri bën thirrje për vendosjen e sovranitetit të Serbisë. Ai kundërshton rëndësinë e marrëveshjeve të marsit dhe shkurtit, të cilat SHBA dhe BE thonë se janë ligjërisht të detyrueshme. Është e vërtetë se Brukseli i shton dispozitat e atyre marrëveshjeve kushteve për hyrjen e Serbisë në BE, por Vuçiq nuk është serioz për anëtarësimin në Union. Kështu që nuk do të ndryshojë shumë për të. Mendoj se kjo (rezultatet) nuk është një shenjë e mirë për marrëdhëniet me Kosovën”.
Profesori amerikan mendon se askush në Serbi nuk duhet të mashtrohet.
Sipas tij, Serbia nuk do të anëtarësohet së shpejti në BE, sepse Vuçiq nuk bëri asgjë për ta përgatitur vendin për anëtarësim në Union.
“Dhe për sa kohë që politika aktuale për Kosovën është në fuqi, Serbia nuk do të hyjë në BE – kjo është shumë e qartë. Vuçiq e kupton këtë dhe e di se anëtarësimi në BE nuk do të ndodhë së shpejti. Ai thjesht dëshiron të pushtojë atë hapësirë politike. Ai nuk dëshiron t’ia japë askujt tjetër. Pra, ai bën shumë deklarata që janë pro-evropiane, dhe më pas nuk bën asgjë për këtë”.
