Një person është arrestuar në rrugën ‘Dardania’ në Fushë Kosovë, pasi pas një mosmarrëveshje me dy meshkuj, dyshohet se ka shtënë me armë zjarri në afërsi të tyre, raporton Insajderi.
Policia ka njoftuar se në vendin e ngjarjes kanë gjetur dhe konfiskuar një gëzhojë dhe një predhë të fishekut.
Ndërkaq, i dyshuari ka dorëzuar një pistoletë e cila dyshohet se është përdorur.
“Me vendim të prokurorit, i dyshuari pas intervistimit është dërguar në mbajtje. Rasti në proces hetimor“, thuhet në raportin e policisë.
Rasti është cilësuar ‘Vrasje në tentativë & Armëmbajtje pa leje”.
