Psikologu Petrit Thaçi ka folur për sjelljet që ka treguar Naim Murselin në varrimin e bashkëshortes së tij, Liridona Ademajt, për të cilën është i dyshuar.
Thaçi ka thënë se Murseli nuk ka shfaqur asnjë pikë emocioni dhe se është munduar ta manipulojë situatën në të cilën ndodhej.
“Shfaqja e tij dukej me apati të thelle emocionale, pra pa kurrfarë lloj shfaqje emocionale, pa kurrfarë dhembshurie, një mpirje e vetplanifikuar të moszbulimit emocional që e gjejmë tek personat që kanë një personalitet të dezintegruar për nga cilësitë normale në funksionimin normal”.
“Një personalitet i dezintegruar nga vlerat si empatia dhe dashuria, dukej që tendencat dhe mendimet kryesore në atë kohë ishte si të menaxhojë gjithçka që sa më pak të rritej probaliteti për të dështuar në kontrollin e plotë të asaj se çfarë ai ka ideuar”, ka thënë Thaçi në Klan Kosova.
