Avokati i njohur, Besnik Berisha ka shpalosur detaje të padëgjuara deri më tani për vrasjen e rëndë të Liridona Ademajt.
Siç shprehet ai, plani për inskenimin e plaçkitjes, nuk ishte i vetmi.
Sipas Berishës, të dyshuarit kanë menduar edhe një tjetër version për të shkaktuar humbjen e tashmë të ndjerës.
“Nuk ka qenë plani i vetëm. Ka pasur të inskenohet një aksident me pasoja natyrisht të rënda ku ajo nuk do të dilte e gjallë. Të rrotullohet makina e saj, e kështu me radhë…”, tha ai.
Tutje tha se vrasesi armën me të cilën e ka vrarë Liridonën e kishte fshehur në sanë (ushqim të kafshëve), prapa shtëpisë së tij.
Berisha e ka quajtur psikopati veprimin e Naim Murselit, i cili ka thënë që edhe ai ka qenë i rrezikuar ani pse vet e kishte paguar vrasesin për vrasjen e gruas.
“Nuk e di çfarë truri duhet të këtë ai që ta thotë këtë”.
“Pjesëtari i FSK-së, e ka pranuar që ka ndihmuar Naimin duke e takuar me vrasesin për të planifikuar vrasjen”, ka thënë Berisha.
