Shefi i EULEX-it, Giovanni Pietro Barbano priti në takim ambasadori britanik në Kosovë, Nicholas Abbott, dhe të Dërguarin e Posaçëm të Kryeministrit të Mbretërisë së Bashkuar për Ballkanin Perëndimor Lordin Stuart Peach, me të cilët ka biseduar për situatën në Kosovë, shkruan Reporteri.net.
“I nderuar ta pres në #EULEX Lordin Stuart Peach, i Dërguar i Posaçëm i Kryeministrit të Mbretërisë së Bashkuar për Ballkanin Perëndimor, i shoqëruar nga Ambasadori i Britanisë së Madhe, Nicholas Abbott, duke marrë vlerësime për rolin që e ka luajtur EULEX-i në zbutjen e tensioneve në terren, duke kontribuar në mënyrë efektive për stabilitetin në Kosovë”, shkroi Barbano në platformën X.
Barbano, priti të dy në takim mbrëmë, në EULEX.
