Një person është shpallur në kërkim nga policia e Kosovës.
24-vjeçar Aaron Rexhaj, dyshohet se shkaktoi një aksident me fatalitet në Pejë, duke goditur për vdekje një person të moshës 41-vjeçare.
Si pasojë e kësaj ai iku nga vendi i ngjarjes dhe ende nuk është kapur nga policia.
Për kapjen e tij, organet e rendit po kërkojnë ndihmë edhe nga qytetarët.
Por, i njëjti duket se ka të kaluar kriminale.
Rexhaj, u kërkua po ashtu edhe para dy vjetëve, veçse asokohe për një vepër tjetër.
Ai në vitin 2021 ishte shpallur në kërkim për “blerje, posedim, shpërndarje dhe shitje të paautorizuar të narkotikëve, substancave psikotrope ose analoge”.
