Shoqëria e Gjysmëhënës së Kuqe Palestineze (PRCS), tha se ushtarët izraelitë kanë qëlluar me gaz lotsjellës dhe plumba gome ndaj gazetarëve të mbledhur për të raportuar lirimin e të burgosurve palestinezë jashtë burgut Ofer në Bregun Perëndimor të pushtuar.
Raed Helou, një fotograf i Sky News Arabia, u plagos në dorë ndërsa kishte veshur jelekun e tij “PRESS”.
“Isha duke qëndruar me një grup gazetarësh. Papritur, ushtria izraelite hodhi gaz lotsjellës ndaj nesh. Pas kësaj na sulmuan këmbësorët. Ndërsa isha fshehur pas një makine, vura re një dritë laseri jeshile në dorën time. Në këtë moment, diçka më goditi atje”, tha Helou.
Një gazetar tjetër, Fadi al-Assa, një korrespondent i Alaraby TV, tha: “Ne po qëndronim në çatinë e një shtëpie, jelekët tanë të shtypit dukeshin qartë, por ushtarët vazhduan të gjuanin gaz lotsjellës dhe plumba gome ndaj nesh”.
Ai shtoi se forcat izraelite, konfiskuan kartat e kujtesës së kamerës së ekipit të tij dhe i detyruan të largoheshin nga çatia e ndërtesës ku po punonin.
Al-Assa gjithashtu tha se ata i penguan të merrnin pajisjet e tyre, raporton Al Jazeera.
