Britania e Madhe dhe Serbia u përballën sot në raundin çerekfinal të turneut “Davis Cup” në tenis. E ekipit të Serbisë i priu tenisti nacionalist, Novak Djokoviq, i cili me shokët e tij u futën në fushë nën shoqërimin e këngës nacionaliste famëkeqe serbe që i kushtohet edhe Kosovës.
Kënga “Gëzo popull serb” ndër të tjera thotë “le të valojë flamuri i Serbisë nga Prizreni deri në Rumi”.
E pas kësaj ka reaguar eurodeputeti gjerman, Reinhard Butikofer.
“Jo, nuk duhet ta marrim seriozisht propagandën ultranacionaliste serbe. Po, ne mund t’i besojmë Vuçiqit. Po, sanksionimi i Kosovës dhe qetësimi i Serbisë është një strategji madhështore. – Apo mos është e gjitha kjo ndoshta e gabuar?” – ka shkruar Butikofer në platformën “X”.
Kujtojmë që kjo nuk është hera e parë që Djokoviq është pjesë e skandalave ku bëhet fjalë Kosova, shtet të cilin ai dhe shteti prej nga vjen nuk e njeh.
Ai njihet për qëndrimet e tij nacionaliste kundër Kosovës.
