Nol Nushi, nga Partia Socialdemokrate ka thënë në Edicionin Special në Klan Kosova se kryeministri i Kosovës Albin Kurti, nuk është dashur ta themelonte Asociacionin e Komunave me shumicë serbe.
“Nuk ja kemi pasur borxh këtij kryeministri, që të luftojë aq shumë kundër këtij asociacioni që t’i marrë ato vota, e bashkë me ato vota ta themelojë asociaiconin”, tha Nushi në Klan Kosova.
Ai theksoi se kryeministrat e kaluar nuk e funksionalizuan asociacionin, ani pse ishte obligim ndërkombëtar.
“Nuk e bëri Hashimi, nuk e bëri Isa e nuk e bëri as Ramushi, nuk e funksionalizuan. Pse u desh Kurti që ta funksionalizonte. Kujt ia pati borxh këtë dhuratë”, tha ai.
