Ish-ambasadori, Gjergj Dedaj, është duke e vazhduar dëshminë e tij në Dhomat e Specializuara në Hagë
Në Dhomat e Specializuara të Kosovës (DhSK) në Hagë e ka vazhduar dëshminë Gjergj Dedaj, i cili është dëshmitari i 33-të (me kodin Ë03825) në çështjen gjyqësore ndaj Hashim Thaçit, Kadri Veselit, Jakup Krasniqit dhe Rexhep Selimit.
Këtë të martë, Dedaj, u ankua përsëri se nuk i është plotësuar kërkesa e tij që seanca të mbahet e mbyllur. Ai tha se për shkak se seanca është e hapur atij mund t’i rrezikohet familja e tij.
“Me vetë ftesën që ma keni bërë, ka qenë padrejtësi ndaj meje… Kam të drejtë të protestoj, jam përgjegjës për vete, për familjen e fëmijëve të mi. Kam kërku gjatë bisedave që seanca të jetë e mbyllur të mos më rrezikohet familja dhe a ardhmja në Kosovë, nëse qëllimi është të nxjerrën cka ju dëshironi, të hapni plagë të reja është tjetër gjë”, tha ai.
Dedaj foli edhe për UÇK-në, duke thënë se po të kishte mundësi do t’u ipte atyre armë bërthamore.
“Unë me pas mujt UÇK-së i kisha dhënë armë bërthamore, sepse serbët kanë vra fëmijë, gra e invalidë”, tha ai.
Dedaj tha se gjatë vizitës së tij dhe delegacionit prej afërisht 40 personash, UÇK-ja ka pasur të drejt të dyshonte.
“UÇK ka pasur të drejt me dyshu, se dikush në grupin prej 40 veta të ketë diçka, unë marrë përgjegjësi vetëm për vete”, tha ai.
Dedaj vazhdon dëshminë: Kërkova që seanca të jetë e mbyllur që të mos më rrezikohet familja
