Policia e Kosovës e ka nisur implementimin e planit Roadpol për kontroll ndaj ngasësve të automjeteve për bartjen e udhëtarëve dhe mallrave.
“Në Rajonin e Prishtinës, po vazhdon implementimi i planeve operative për ngritjen e sigurisë në trafik”, thuhet në njoftimin Policisë së Kosovës.
“Policia e Rajonit të Prishtinës respektivisht, Njësiti Rajonal i Trafikut rrugor, krahas planeve operative për kontrollin e shtuar në trafik, me datën 06.11.2023, ka filluar implementimin e planit për kontroll ndaj ngasësve të automjeteve për bartjen e udhëtarëve dhe mallrave, sipas programit evropian Roadpol”.
“Ky operacion do të këtë shtrirje në të gjitha rrugët e rajonit të Prishtinës. Vetëm dje janë gjobitur 12 kundërvajtës”.
Nis implementimi i planit sipas Roadpolit në Prishtinë, kontrollit ndaj ngasësve
