Kryetari i Partisë Demokratike të Kosovës, Memli Krasniqi, ka kritikuar kryeministrin e Republikës së Kosovës, Albin Kurti, për mostransparencë lidhur me përmbajtjen e draftit të Asociacionit të komunave me shumicë serbe të propozuar nga Shtetet e Bashkuara të Amerikës dhe Bashkimi Evropian, raporton Gazeta Sinjali.
Gjatë fjalimit të tij në Kuvend, Krasniqi tha se për 19 minuta takim në Bruksel, Kurti ka përmbysur të gjithë karrierën e tij politike, me pranimin e draftit të statutit të Asociacionit.
“Të kemi ftu në këtë seancë z.kryeministër për me diskutu, ti vjen i ngarkum siç po shihet, sepse të ngarkon e kaluara jote politike. Sot është vështirë për mu personalisht, po besoj edhe për shumicën, me ditë a me qeshë a me qajtë? A me qeshë që erdh dita që 10 vjet më vonë ti në këtë foltore me mbrojtë zajdenicën, a me qajtë për 10 vjet të humbura të Kosovës?, për jetët e humbura që ti iu ke pri që sot me ardhë me mbështetë e me lavdëru?”, tha Krasniqi.
