Kreu i Kuvendit të Kosovës, Kadri Veseli ka thënë se është në interesin e të gjithë popujve në rajon që të ruhet stabiliteti.
Ai këto komente i ka bërë lidhur me situatën e fundit në Maqedoni.
“Jam i shqetësuar me zhvillimet e orëve të fundit në Maqedoni, të cilat po i përcjellim me vëmendje të shtuar. Maqedonia është një shtet mik, që e ka pranuar pavarësinë e Kosovës. I bëjmë thirrje faktorit politik që të ruajë paqen dhe stabilitetin. Është në interesin e të gjithë popujve në rajon që të ruhet stabiliteti dhe që krizat të zgjidhen me mjete politike”, ka shkruar Veseli.
