Një vajzë iraniane, 16 vjeçe, ka vdekur pasi dyshohet se u rrah nga policia morale e vendit për shkak të mosmbajtjes së mbulesës së fytyrës.
Vdekja e Armita Geravand vjen pas njëvjetorit të vdekjes së Mahsa Aminit dhe protestave mbarëkombëtare që shkaktoi.
“Fatkeqësisht, ajo hyri në koma për disa kohë pasi pësoi dëmtim të trurit. Ajo vdiq pak minuta më parë”, njoftoi të shtunën agjencia zyrtare e lajmeve IRNA.
Geravand ishte shpallur me tru të vdekur pasi ajo ra në koma më 1 tetor, raporton BBC.
Aktivistët kanë pretenduar se Geravand ishte sulmuar sepse ajo nuk kishte veshur hixhab.
Ata kërkuan gjithashtu një hetim të pavarur nga misioni faktmbledhës i Kombeve të Bashkuara për Iranin, duke përmendur përdorimin e presionit nga teokracia mbi familjet e viktimave dhe historinë e televizionit shtetëror për transmetimin e qindra rrëfimeve të detyruara.
