Gjashtë minatorë të Trepçës kanë kërkuar ndihmë në Spitalin e Mitrovicës sot gjatë ditës.
Tre prej tyre ndihmën e kanë kërkuar paradite, ndërsa tre të tjerë pasdite.
Lajmin për Gazetën Sinjali e ka konfirmuar drejtoresha e spitalit, Luljeta Zhubi.
Kjo e fundit ka njoftuar se pas tretmanit që kanë marrë, minatorët janë liruar nga spitali, pasi gjendja e tyre ka qenë stabile.
“Të gjithë kanë ardh me simpotoma të lodhjes dhe dehidrimit, e kanë marrë trajtimin e duhur dhe me pas janë liruar”, tha ajo për Sinjalin.
Minatorët e “Trepçës” po e vazhdojnë grevën me kërkesat për përmirësimin e kushteve të punës, sigurimi shëndetësor, ekzekutimi me rregull i pagave dhe shkarkimi i kryeshefit.
