Presidenti rus Vladimir Putin dyshohet se pësoi “arrest kardiak” mbrëmjen e së dielës, sipas një deklarate të postuar nga një kanal në Telegram.
Ngjarja besohet se ka ndodhur në banesën e tij private në Moskë.
Kanali General SVR në Telegram, nga ku u shpërnda lajmi, drejtohet nga një ish-zyrtar i Kremlinit, i cili raportoi incidentin duke thënë se lideri rus u gjet nga rojet në dyshemenë e dhomës së gjumit “i shtrirë në dysheme”.
Mësohet se mjekët u thirrën menjëherë dhe më vonë ata diagnostikuan se 71-vjeçari kishte pësuar një “arrest kardiak”.
Putini më pas u transferua në një strukturë të posaçme mjekësore ku iu nënshtrua kujdesit intensiv, sipas burimit.
Raporti i paverifikuar vjen pas spekulimeve të vazhdueshme rreth problemeve shëndetësore të liderit rus. /abcnews.al
