Policia ka arrestuar 16 persona për kontrabandë ilaçesh, ndërsa janë shpallur në kërkim edhe dy të tjerë.
Në pranga kanë rënë Devis Beqiri, Gentian Beqiri, Erjon Bajramaj, Dinë Thaqi, Ermal Merdani, Lorin Bregoniva, Almed Hoxha, Elton Qorri, Albi Dyrmishi, Florian Muçogalli, Saimir Dervishi, Admir Hoxha, Gëzim Hoxha, Artur Spaho, Tomor Mustafaj, Albert Bakaj.
Gjatë operacionit janë sekuestruar edhe një sasi e madhe medikamentesh me vlerë rreth 50 000 euro.
Policia bën me dije se nga verifikimet e kryera ka rezultuar se këta shtetas, në bashkëpunim me njëri-tjetrin, tregtonin medikamente të ndryshme mjekësore të kontrabanduara, nga Greqia, Italia dhe Kosova, të cilat më pas i shisnin në farmaci të ndryshme në Tiranë, Elbasan, Fier, dhe Vlorë, me çmime shumë të larta.
“Gjatë kontrolleve të ushtruara në kuadër të këtij operacioni, në disa banesa dhe farmaci në Tiranë, Elbasan, Fier dhe Vlorë, shërbimet e Policisë gjetën dhe sekuestruan në cilësinë e provës materiale, sasi të konsiderueshme medikamentesh mjekësore, pa pullë fiskale nga Agjencia Kombëtare e Barnave dhe Pajisjeve Mjekësore, me vlerë rreth 50000 euro”, bën me dije policia.
Ndryshe, këto ilaçe shiten edhe nën emrin “pa pullë” dhe janë e një cilësie më të mirë krahasuar me ato që Agjencia e Barnave miraton për përdorim në vendin tonë.
Gazetari Ervin Leka ka siguruar dosjen, nëpërmjet të cilës bëhet të ditura bisedat e zhvilluara nga anëtarët e grupit, takimet mes tyre si edhe dëshmia e dhënë nga Devis Beqiri, njëri prej të arrestuarve.
Në dosje theksohet se në dëshminë e tij, Devis Beqiri, ka deklaruar se ka qenë i punësuar për shumë objekte farmaceutike, në kompani të ndryshme farmaceutike. Në këtë mënyrë duke qenë i angazhuar në këtë sektor, ai ka përfituar duke krijuar kontakte dhe njohje me profesionistë të fushës, mjekë e farmacistë.
“Edhe pasi është shkëputur nga puna ai ka ruajtur kontakte miqësore me shumë prej tyre. Pasi ka mbetur pa punë dhe kushte të vështira familjare është divorcuar dhe ka një fëmijë të vogël. Këto rrethana e kanë detyruar të punojë pa marrë parasysh legjislacionin në fuqi, për të cilin është shprehur se nuk e njeh, pasi po ta njihte do ta ushtronte këtë aktivitet. Ai ka cilësuar se barnat që tregton janë të gjitha cilësore dhe nuk kanë afekte anësore në shëndet, por përkundrazi janë për kurimin e komplikacioneve dhe sëmundje të ndryshme”, ka dëshmuar ai.
Gjithashtu sa i përket vendit se ku i merrte barnat, Devis Beqiri ka treguar në dëshminë e tij për prokurorin Bledar Valikaj, se i merr nga shtetasi Ermal Merdani dhe nuk e ka ditur që nuk kanë qenë të lejuara, pasi sipas tij nuk do të bënte atë veprim.
Në lidhje me faktin që në shumicën e porosive që dorëzonte ka qenë prezent edhe vëllai i tij, ai ka deklaruar se i vëllai jeton në Itali dhe se ishte kthyer për disa kohë me pushime për të takuar prindërit dhe se nuk ka dijeni për aktivitetin që zhvillon.
“Në lidhje me barnat spitalore të gjendur, ai ka deklaruar se ato barna i ka marrë nga një djalë që ka punuar infermier te spitali i Senatoriumit. Kontaktin me të e ka siguruar me njohjet në sektorin e farmaceutikës dhe nuk e njeh me emër personin që ka lidhje me infermierin. Ai në periudhën e pandemisë u largua nga Shqipëria në Gjermani dhe nga ana e tij ai ka deklaruar se nuk ka shitur asgjë dhe janë me pullën e Autoritetit të Barnave.
PËRGJIMET
Pjesë nga biseda:
Devi: Te shtëpia do jem
Albert Elbasan: foto
Albert Elbasan: Si është ky
Devi: Shm
Albert Elbasan: Çfarë
Devi: Shumë i mirë
Albert Elbasan: Sa del ky
Albert Elbasan: foto
Albert Elbasan: Gjejmë dot më duhen për një njeriun tim
Devi: Po gjejmë
Albert Elbasan: Me sa?
Albert Elbasan: Dhe Nëse e gjen më duhet tani
Devi: 1050
Devi: Të fitoj dhe unë 50 euro
Albert Elbasan: Ja të ma konfirmojnë
Albert Elbasan dhe të them
Devi: Ku je?
Devi: Nisu
Albert Elbasan: Foto
Albert Elbasan: Gjejmë?
Devi: Si ky jo
Albert Elbasan: Bëhet fjalë për Decapeptyl….
Albert Elbasa: Çkemi
Albert Elbasan: I dua për një njeriut tim, por mund t’i gjëjmë dot?
Devi: Cpb mo
Devi: Të pyes e të them
Albert Elbasan: Si je ti
Albert Elbasan: Si është djali
Albert Elbasan: Si është djali
Albert Elbasan: Vijnë nga Italia këto
Devi: Do pyes
Devi: Në Itali pa merak. Mirë ka qenë. Rrofsh
Vijim i bisedës mes anëtarëve të grupit:
Devi: Mgjes
Albert Elbasan: Më duhen nja 50 shurupa të tjerë
Devi: Bëhet apo jo?
Devi: Në 7 këtu ore
Devi: Ok
Devi: Erdhe mo
Devi: Për 10 min vij
Albert Elbasan: Si je?
Devi: U nise mo
Albert Elbasan: Tani u nisa
Devi: Nga Elbasani. Apo shpia
Albert Elbasan: El
Devi: Ok. Jepi gaz
Albert Elbasan: Si je?
Devi: Kam lëviz. Tak në darke von
Albert Elbasan: Ok
Albert Elbasan: Çkemi. Gjerman
Devi: Gud gud
Albert Elbasa: Si je. Më gjen dot 2 kuti kepra
Devi: Ca lloji. 500?
Albert Elbasan: po
Devi: Prit
Albert Elbasan: Më duhen edhe dy sot
Albert Elbasan: Si ajo që mora dje
Devi: T’i them
