Këta janë dy vëllezërit që vdiqën në aksidentin në tunelin e Kalimashit

Një aksident  i rëndë trafiku ka ndodhur mbrëmë në “Rrugën e Kombit”, në tunelin e Kalimashit, ku humbën jetën dy persona dhe 3 të tjerë kanë mbetur të lënduar.

Viktimat janë shtetas kosovarë, vëllezërit Sadik Osmani dhe Nesret Osmani.

Lajmin e ka konfirmuar edhe i biri i Sadikut, i cili ka thënë se informacione mbi varrimin e viktimave do të ndahen më vonë.

Në anën tjetër, të lënduarit janë dërguar në spital për të marrë ndihmën mjekësore.