Deputetja e LDK-së, Rrezarta Krasniqi, përmes një postimi në facebook ka bërë të ditur se Komisionin për Integrime Evropiane sot ka pritur në takim ambasadorin e BE-së në Kosovës, Tomáš Szunyog.
Krasniqi njoftoj që në këtë takim është kërkuar ndëshkimin e Serbisë nga ana e BE-së dhe heqjen e masave kufizuese ndaj Kosovës.
Postimi i plotë:
Në Komisionin për Integrime Evropiane sot kemi pritur në takim ambasadorin e BE-së në Kosovës, Tomáš Szunyog, për të diskutuar për integrimin e vendit, Samitin e Berlinit dhe çështje të tjera nga fushëveprimtaria e Komisionit.
Po ashtu shfrytëzuam rastin për kërkuar ndëshkimin e Serbisë nga ana e BE-së, pas sulmit terrorist në Banjskë dhe kërkuam heqjen e masave kufizuese ndaj Kosovës.
Në takim theksova faktin se si LDK kemi votuar marrëveshjet ndërkombëtare dhe kemi mbështetur të gjitha proceset integruese të vendit sepse është interes i përbashkët, ndërkohë që mazhoranca shpesh herë ka problem me numra në Kuvend, për shkak të papërgjegjësisë.
