Sot u zhvillua një takim mes zëvendëskryeministrit të parë për Integrim Evropian, Zhvillim dhe Dialog të Kosovës, Besnik Bislimi dhe kryetarit të Këshillit Kombëtar Shqiptar në Malin e Zi, Faik Nika.
Përfaqësuesit e Këshillit e njoftuan zëvendëskryeministrin Bislimi për objektivat e punës së këtij këshilli dhe veprimtarinë e tyre në fushat të cilat janë me interes për shqiptarët.
Në takim u diskutua edhe mbi thellimin e bashkëpunimit e rëndësinë e mbrojtjes së të drejtave të shqiptarëve në Malin e Zi dhe identitetit kulturor e gjuhësor.
Në këtë takim zëvendëskryeministri Bislimi shoqërohej nga këshilltari i tij, Ragmi Mustafi, ndërsa kryetari Nika nga Daut Ceka, thuhet në komunikatë.
