Pavarësisht që duhet se Kina që nga fillimi ofron mbështetje ushtarake për Rusinë për luftën e saj në Ukrainë dhe është ndryshe nga politikat e Amerikës dhe BE-së që duan paqe ndërmjet shteteve fqinje, Serbia po vazhdon të jetë alet i ngushtë i këtij shteti (Kinës).
Qeveria serbe ka intensifikuar marrëdhëniet me Kinën vitet e fundit. Tashmë miqësinë dhe bashkëpunimin e tyre e kanë thelluar edhe në siguri.
Sot nëntë policë nga Kina do të patrullojnë me rreth 20 kolegë serbë në Beograd, Novi Sad dhe Smederevë, qytete më të vizituara nga turistët kinezë, njoftoi sot Ministria e Punëve të Brendshme (MPB) e Serbisë.
Sekretari shtetëror i MPB-së së Serbisë, Zheljko Brkiq, tha sot në Beograd, në fillim të zbatimit të projektit të patrullave të përbashkëta policore, se deri më 26 tetor do të patrullojnë në qendrat e brendshme të qyteteve të atyre qyteteve me qëllim të veprimit parandalues. dhe dhënien e ndihmës në komunikimin e policisë serbe me shtetasit kinezë.
“Theksoj se policët kinezë nuk do të pajisen me mjete shtrëngimi, nuk do të ushtrojnë kompetenca policore dhe as nuk do të veprojnë në çfarëdo cilësie të autoriteteve kompetente të zbatimit të ligjit”, tha Brkiq, duke shtuar se bashkëpunimi ndërmjet Ministrisë së Brendshme të Serbisë dhe Ministrisë së Sigurisë Publike të Kinës në fushën e patrullave të përbashkëta policore bazuar në memorandumin e lidhur në vitin 2019.
I ngarkuari me punë i ambasadës kineze në Serbi u uroi mirëseardhje policëve kinezë dhe u uroi suksese në punën e tyre me policinë serbe.
Por kjo nuk është hera e vetme që Serbia ka anuar kah Kina dhe Rusia. Muaj më parë shefi I BIA-s serbe Aleksandër Vulin, i cili është në listën e zezë të SHBA-së, së bashku me deputetët e tjerë të kësaj force i kanë dorëzuar Kuvendit serb një kërkesë përmes së cilës synohet anëtarësimi i Serbisë në organizatën BRICS.
Termi BRICS, formohet nga shkronjat e para të shteteve si: Brazili, Rusia, India, Kina dhe Afrika e Jugut.
Ky bllok i vendeve me ekonomi në rritje është formuar si grup joformal në vitin 2009, me nismën nga Rusia dhe për qëllim ka sfidimin e rendit botëror të dominuar nga Shtetet e Bashkuara të Amerikës dhe aleatët e saj të Perëndimit.
Më shumë se 40 vende janë duke pritur që të bëhen pjesë e këtij blloku, të cilat kanë deklaruar se kanë marrë përkrahje nga vendet anëtare se mund t’i bashkohen këtij organizimi. Pretendime për t’iu bashkuar bllokut kundër perëndimit ka shfaqur edhe Serbia. /Vijesti
