Mediumi boshnjak “Istraga” ka raportuar se nënkryetari i Listës Serbe, Milan Radojiçiq, është në mesin e sulmuesve të plagosur në Banjskë të Zveçanit.
Ky medium raporton se në disa raste ka tentuar të kontaktojë me Radojiçiqin, por fillimisht një person i panjohur i cili është përgjigjur në telefonin e tij ka thënë se “nuk është Radojiçiq”, por që më pas, i njëjti person ka pohuar se Radojiçiq është mirë.
Milan Radojiçiq i cili prej kohësh është i kërkuar nga autoritetet e Kosovës dhe në listë të zezë të Amerikës, ndodhet në Serbi dhe po trajtohet në spital, sipas medias “Istraga”.
“Milan Radojiçiq, njëri nga liderët e Listës Serbe, është plagosur gjatë një sulmi terrorist në Kosovë. Sot në disa raste kemi tentuar të kontaktojmë me Radojiçiqin. Fillimisht, një person i panjohur i cili iu përgjigj numrit të tij të telefonit tha se “nuk është Radojiçiq”, ndërsa më pas, gjatë korrespondencës, i njëjti pretendoi se Radojiçiq ishte mirë dhe se po i jepej ryshfet. Sipas informacioneve të mediumit Istraga, Radojiçiq ndodhet në Serbi dhe po trajtohet. Dokumentet e tij u gjetën në makinat e sekuestruara”, thuhet në shkrimin e mediumit boshnjak.
