Presidentja e Kosovës, Vjosa Osmani, në New York është takuar me mbretin e Jordanisë, Abdullah II bin Al-Hussein.
Për këtë takim ka njoftuar vetë Oborri Mbretëror Hashemit. të dielën përmes një postimi në Twitter.
”Madhëria e Tij Mbreti Abdullah II, i shoqëruar nga HRH Princi i Kurorës Al Hussein, takohet me Presidenten e #Kosovës Vjosa Osmani në Nju Jork, në fillim të takimeve me krerët e shteteve dhe delegacionet pjesëmarrëse në Sesionin e 78-të të Asamblesë së Përgjithshme të Kombeve të Bashkuara”, thuhet në njoftimin e Oborrit Mbretëror.
Për këtë takim ka shkruar edhe presidentja e Kosovës, Vjosa Osmani, duke treguar se thellimi i bashkëpunimit në mes dy shteteve ishte temë.
“Shprehim gatishmërinë tonë për thellimin e bashkëpunimit ndërmjet vendeve tona dhe për të punuar së bashku për të adresuar sfidat e përbashkëta”, ka thënë ajo.
