Lutfi Haziri: Djegia e kurorave të luleve te varrezat e dëshmorëve, akt i shëmtuar

Kryetari i Komunës së Gjilanit, Lutfi Haziri, ka dënuar ashpër djegien e kurorave të luleve te obelisku në varrezat e dëshmorëve.

“Akti i djegies së kurorave të luleve te varrezat e dëshmorëve është qyqar, i papranueshëm dhe si të tillë e dënoj ashpër. Kërkoj nga organet e drejtësisë që sa më shpejt ta zbardhin këtë akt të shëmtuar dhe autorët ta marrin dënimin meritor”, ka thënë Haziri.