Dogana sekuestron stimulues seksual në vlerë 40 mijë euro

Dogana e Kosovës ka sekuestruar mallra të kontrabanduara në vlerë prej 40 mijë euro pas disa kontrolleve të kryera pa paralajmërim tek 5 subjekte.

Në njoftimin e doganës bëhet e ditur se një pjesë e mallit të kontrabanduar, i cili ishte stimulues seksual, ishte me afat të skaduar.

“Në përputhje me procedurat e ligjore, janë iniciuar procedurat kundërvajtese kundër palëve të përfshira në këtë veprimtari të paligjshme”, thuhet në njoftimin e doganës.