Ismet Beqiri, shef i Grupit Parlamentar të Lidhjes Demokratike të Kosovës ka folur lidhur me publikimin e një videoje, ku dëgjohet duke i thënë një personi “klloshar”.
Ngjarja kishte ndodhur të dielën në Koshare.
Ai tha se fjalët e tilla nuk janë në fjalorin e tij, por siç tha ai kjo kishte ndodhur pas provokimeve të rënda që i janë bërë atij dhe zyrtarëve të tjerë të shtetit.
Shefi i GP-së së LDK-së tha se personi që e ka ofenduar atë është Dan Deliu, e që sipas tij është shoferi i nënkryetares së Kuvendit të Kosovës nga radhët e Lëvizjes Vetëvendosje, Aida Dërguti.
