Elon Musk ka njoftuar se nuk do të ketë më opsion t’i bësh bllok dikujt në “X”, ish-aplikacionin Twitter.
Ai thotë se ekipi është duke zhvilluar një version të ri që nuk të lejon t’i bllokosh njerëzit e padëshiruar por vetëm t’ua ndalosh mundësinë e të shkruarit mesazh.
Që kur bleu Twitter-in vitin e kaluar për 44 miliardë dollarë, Musk e ka riparuar kompaninë, duke pushuar nga puna shumë punonjës, duke rivendosur llogaritë e ndaluara më parë dhe së fundi duke riemërtuar kompaninë dhe platformën si X.
Ai nuk dha një arsye ose një kornizë kohore për eliminimin e funksionit të bllokimit, duke thënë vetëm në një përgjigje vijuese se “nuk ka kuptim” dhe se funksioni për mesazhet do të jetë ende i disponueshëm.
Nuk ka më bllok në Twitter
