Bernardo Silva është ndoshta njëra prej goditjeve më të nënvlerësuara të Manchester Cityt në vitet e fundit.
I reklamuar shumë më pak se Kevin de Bruyne, që nuk bie në sy në krahasim me Riyad Mahrez dje më pak organizator sesa Ilkay Gundogan.
Por, njëjtë si bashkëkombësi i tij Bruno Fernandes, Silva bën një lloj magjie me topin në këmbët e tij, i aftë të bëjë driblime dhe pasime apo harkime për shokët e skuadrës.
E për këtë, edhe pse nuk thuhet prej shumëkujt, është një element i rëndësishëm në sukseset e kampionëve të rinj të Evropës.
Këtë gjë megjithatë po e vlerëson shumë Barcelona, e cila dëshiron ta ketë në gjirin e saj, njëjtë siç dëshironte edhe në verën e kaluar.
Përfaqësuesi portugez ka kontratë me “Citizens” deri në verën e vitit 2025, por edhe vetë ai do të donte të largohet nga “Etihad Stadium” në këtë verë.
Paris Saint-Germaini është një tjetër klub që ia ka vënë syrin futbollistit kreativ.
Por, parisienët i kanë ofruar vetëm 30 milionë euro për kartonin e tij, ofertë kjo e refuzuar menjëherë nga City, i cili i kërkon 100 milionë euro për Silvan, i cili sot i ka mbushur 29 vjet.
Pra, këtë shifër të lartë mund ta përballojnë veç klubet nga Arabia Saudite, por lojtari e ka mendjen tek futbolli evropian…
