Pak ditë më parë, një moment nga një koncert i Cardi B u bë viral në rrjete sociale, teksa reperja ju “përgjigj” sulmit të një fanseje me ujë, duke e goditur me mikrofon.
Menjëherë pas incidentit, kompania e audios “The Wave”, e cila kujdeset për koncertet dhe eventet kudo në SHBA dhe që zotëronte mikrofonin, vendosi që ta nxjerrë këtë të fundit në ankand.
Jo për përfitime personale, por me paratë që do të merren nga shitja e mikrofonit do të ndihmohen disa shoqata bamirësie që ndihmojnë fëmijët.
Fillimisht u vu për një çmim prej 500 dollarësh, teksa për pak ditë shkoi në 25 mijë e 100 në ankandin online në EBay, ndërsa tani është plot, 99,900 dollarë.
